Á tónleikunum koma fram Skálholtskórinn, styrktur félögum úr nágrannasveitunum, og Barna- og kammerkór Biskupstungna, undir stjórn Hilmars Arnar Agnarssonar, ásamt Sigrúnu Hjálmtýsdóttur og �?skari Péturssyni frá Álftagerði. Kammersveit konsertmeistarans Hjörleifs Valssonar leikur undir.

Eins og undanfarin ár verður frumflutt jólalag og er það Elín Gunnlaugsdóttir, tónskáld og tónfræðakennari, sem semur jólalag Skálholts 2006, en hún er fædd og uppalin í Skálholtssókn.

Heiðursgestur tónleikanna er Gunnar �?órðarson, sem hefur samið sérstakt jólalag fyrir barnakórinn. Gunnar hefur verið í nánu samstarfi við kóra í Tungunum á þessu ári í gegnum flutning á verki hans �?Brynjólfsmessu�? í vor, í Keflavík, Skálholti og Grafarvogi, en verkið er nýkomið út á geisladiski, auk þess sem það verður flutt í sjónvarpi um jólin.

Forsala aðgöngumiða er sem áður í símum 865-4393 og 847-5057 og kostar miðinn 2.500 krónur. Einnig verða miðar til sölu í Kirkjuhúsinu í Reykjavík, Versluninni Írisi á Selfossi, Versluninni Borg Grímsnesi, Versluninni Árborg í Gnúpverjahreppi, útibúi Lyfju í Laugarási Bisk, Versluninni H-Sel á Laugarvatni, Galleríinu á Laugarvatni og á Flúðum hjá Helga í Garði, s: 898-0913.