Hann hefur því komist að samkomulagi við ÍBV um riftun samningsins þar sem leikmaðurinn sá ekki fram á að geta beitt sér að fullu í sumar.

Á spjallsíðu ÍBV segir Gísli Hjartarsson frá því að hann sé að taka við aðstoðarþjálfarastöðu í heimalandi sínu.

“Schulte fékk félagaskipti til USA fyrir um það bil mánuði síðan en hann er núna aðstoðarþjálfari hjá einhverju 3 deildarliði þar. Schulte hefur átt í erfiðum meiðslum í vetur og sá ekki fyrir sér að hann yrði fullfær um að spila sumarið af fullum krafti með ÍBV sökum þessa. Honum bauðst þessi aðstoðarþjálfarastaða þarna úti hjá einhverjum félögum sínum og með þessi meiðsli sem hrjá hann þá ákváðum við að leyfa honum að yfirgefa herbúðir ÍBV og veita honum félagaskipti ef honum tækist að tjasla sér saman í leikhæft ástand. Svo skilst mér að hann sé farin að huga að stofnun fjölskyldu. Hann verður því ekki á skerinu í sumar en tek það fram að hann hefur þegar sent inn fyrirspurn um það hvenær þjóðhátíðin er.”

Gísli sagði í stuttu samtali við www.sudurland.is að forráðamenn ÍBV væru enn að leita að liðsstyrk erlendis frá fyrir komandi sumar.