Um 200 manns mættu á Álfaskeið og hlýddu á söng Karlakórs Hreppamanna, frásagnir af konungskomunni 1907 og samkomum á Álfaskeiði. Drukkin var mjólk frá Birtingarholti, líkt og fyrir 100 árum og einnig var boðið upp á sódavatn.

Um 160 skrifuðu í gestabókina á fjallinu en ekki munu alveg allir hafa skrifað vegna langrar biðraðar við bókina. Á Kistu, hæsta toppi fjallsins, var greint frá nöfnum fjalla á sjóndeildarhringnum.

Jóhannes Sigmundsson í Syðra-Langholti var göngustjóri og hann setti saman nokkrar vísur sem eru komnar í gestabókina:

Vísurnar hljóða svo:

Á Langholtsfjall er létt að ganga,

lofa margir það.

Er blómin smá í brekkum anga

bý ég mig af stað.

Er af Kistu ægifögur

útsýn vítt um sveit.

Landið geymir gamlar sögur

og gömul fyrirheit.

�?essi fagri fjallahringur

fangar huga minn.

Hér er, ungi Íslendingur,

arfur minn og þinn.