Fjölbreytni er eitt helsta einkenni dagskrárinnar, en m.a. verður minnst ártíðar tveggja af merkari tónskáldum barokktímans, þeirra Dietrichs Buxtehude (1637-1707) og Domenicos Scarlatti (1685-1757). Sá fyrrnefndi átti hvað stærstan þátt í að leggja grunn að fullkomnun barokktónlistarstílsins sem líta má á að hafi orðið með tónlist J. S. Bach í �?ýskalandi. Scarlatti var aftur á móti af síðustu kynslóð barokkmeistaranna á Ítalíu, þar sem vagga barokktónlistarinnar er og helstu nýjungar þess stíls urðu til. Ítalía og Norður-�?ýskalandssvæðið á barokktímanum eru eins konar rauður þráður gegnum sumarið þar sem fjöldi flytjenda kemur við sögu s.s. barokksveitin Nordic Affect, Bachsveitin í Skálholti, sönghópurinn Gríma, Marta Hrafnsdóttir altsöngkona, Guðrún Hrund Harðardóttir víóluleikari, Vibeke Astner orgelleikari frá Danmörku, Margaret Irwin-Brandon orgelleikari frá Bandaríkjunum, Kati Debretzeni fiðluleikari frá Transylvaníu og Jaap Scröder fiðluleikari frá Hollandi.

Fjölmörg ný tónverk verða frumflutt. Staðartónskáld verður Daníel Bjarnason, en hann mun semja nýtt verk fyrir kammersveit sem verður flutt af kammersveitinni Ísafold seinustu helgi Sumartónleikanna, 4. – 6. ágúst. Sveitin mun auk þess flytja efnisskrár með verkum eftir Pärt, Sciarrino, Schnittke, Boulez, Stravinsky, Xenakis o.fl. Verk Huga Guðmundssonar, Apochrypha, fyrir mezzósópran, barokksveit og gagnvirk tölvuhljóð verður flutt í fyrsta sinn á Íslandi helgina 7. – 8. júlí, en verkið var frumflutt í Den Haag í Hollandi viku fyrr og er lokaverkefni Huga frá Konunglega tónlistarháskólanum í Haag. Guðrún Jóhanna �?lafsdóttir, mezzósópran, syngur í verkinu með Nordic Affect sveitinni. Daníel Bjarnason stjórnar, en hann er einnig stjórnandi Ísafoldar.

Ísland & Austurríki er samstarfsverkefni Sumartónleika og austurrísku tónskáldafélaganna IN�?K og �?KB. Dagana 12. – 14. júlí verða bæði fyrirlestrar og tónleikar þar sem m.a. verða frumflutt verk eftir Werner Schulze, Helmut Neumann og Pál P. Pálsson. Flytjendur verða Graffe strengjakvartettinn frá Tékklandi, Ingibjörg Guðjónsdóttir sópran, Einar Jóhannesson klarinettuleikari og margir fleiri. Fyrirlestra halda Klaus Ager, forseti European Composers Council og Helmut Neumann tónskáld, sem kynnir m.a. óperu sína sem byggð er á Sögu Borgarættarinnar eftir Gunnar Gunnarsson.

Af öðrum viðburðum má nefna tónleika Skálholtskórsins undir stjórn Hilmars Arnar Agnarssonar og listamiðju fyrir börn og unglinga, sem er nú starfrækt þriðja sumarið í röð. Að þessu sinni verða starfræktar bæði tónlistar- og leiklistarsmiðjur, sem fara fram sérhvern laugardag á meðan á tónleikum stendur og sunnudaginn um verslunarmannahelgina.

�?keypis aðgangur er að öllum tónleikum og fyrirlestrum. Tónleikahátíðin hefur frá upphafi lagt áherslu á barrokk- og samtímatónlist, og er sú eina sinnar tegundar hér á landi. Umfang og starfsemi hátíðarinnar hefur vaxið frá ári til árs og laðar nú að sér erlenda tónlistarmenn og fjölda ferðamanna. Allar nánari upplýsingar um efnisskrá, dagskrá og flytjendur er að finna á www.sumartonleikar.is.