Árleg úthlutun úr Styrktar- og menn­ingarsjóði Sparisjóðs Vest­manna­eyja, sem stofnaður var til minningar um Þorstein Þ. Víglunds­son fyrrverandi sparisjóðsstjóra, fór fram á dögunum. Er þetta í tutt­ugasta skiptið sem úthlutað er úr sjóðnum, en fyrsta úthlutunin var á Þorláksmessu árið 1988. Að þessu sinni hlutu styrkina Gaujulundur, Skóla­lúðrasveitin, Óskar Sigurðs­son vitavörður í Stórhöfða, Bóka­safn Vest­mannaeyja og Vosbúð, menn­ingar­miðstöð ungs fólks. Um leið var skrifað undir samstarfssamninga við Golfklúbb Vest­manna­eyja og Taflfélagið.