Allt bendir til þess að loðnuveiðar verði stöðvaðar í dag til þess að ganga ekki of nærri stofninum, sem virðist vera í mikilli lægð. Hafrannsóknaskipin finna engar nýjar göngur og síðar í dag verður tekin endanleg ákvörðun um áframhaldið. Íslensku loðnuskipin eru aðeins búin að veiða rösklega 30 þúsund tonn frá áramótum, en í venjulegu árferði veiðast umþaðbil 700 þúsund tonn á vertíðinni.