Þegar ég opnaði Fréttir eftir að þær duttu inn um lúguna hjá mér á miðvikudagskvöldið leist mér hreint ekkert á að lesa grein eftir framámanninn Magga Kristins, aðra vikuna í röð, þar sem hann finnur á­formum um Bakkafjöru­höfn, Land­eyjahöfn, allt til foráttu. Hins vegar lifnaði aftur yfir mér þegar Fréttum var flett aðeins lengra og við mér blasti viðtal við alþingismennina okkar, Árna og Lúðvík þar sem þeir tala einum rómi um mikilvægi stórskipahafnar í Vestmanna­eyjum og að haldið verði fast við áform um ferjusigl­ingar á milli Eyja og væntanlegrar Landeyja­hafn­ar. Það sem færði brosið enn betur á mig var greinin hans Viðars Togga, því við Viðar erum greini­lega alveg sammála um þessi mál.