Day: 22. október, 2008

Fiskverð á mörkuðum tekur góðan kipp

Í gær varð veruleg hækkun á fiskverði á fiskmörkuðunum. Selt var 51 tonn af óslægðum þorski og var meðalverð 317 kr/kg. Þá voru boðin upp 6,7 tonn af slægðum þorski og þar var meðalverðið 348. Ýsan var einnig á góðu flugi. Meðalverð á 84,7 tonnum var 240 kr. Þetta kemur fram á vef Landssambands smábátaeigenda […]

Mogginn endanlega kominn í þrot

Þannig er því komið að ekki munu fleiri myndir frá Sigmund birtast í Mogganum enda búið að segja honum upp eftir um 40 ára starf. Það er fjallað um þetta á eyjafrettir.is og getið þið lesið þá frétt hér. Ég skil vel að það þurfi að taka laglega til í þessu dagblaða rugli sem hefur […]

Ljósmyndasýningunni lokið

Við setningu Bryggjuhátíðar á Stokkseyri þann 11. júlí s.l. opnaði Ásta Stefánsdóttir, starfandi bæjarstjóri (bæjarritari) í Árborg ljósmyndasýningu á neðri hæð Bryggjusviðsins á Stokkseyrarbryggju. Þar voru 70 ljósmyndir Jóns Sigurgrímssonar f. 7. maí 1922 d. 29. júní 2008 frá Holti í Stokkseyrarhreppi hinum forna en hann var bóndi þar 1954 til 1995. Myndirnar eru af […]

Atli á leið til Noregs?

Atli Heimisson, framherji ÍBV liðsins í knattspyrnu, er á leið til norska 2. deildarliðsins Asker til reynslu í byrjun nóvember. Atli, sem varð markahæsti leikmaður ÍBV í sumar, vakti mikla athygli í sumar fyrir vasklega framgöngu sína í 1. deildinni og var m.a. valinn leikmaður ársins í 1. deild. Atli mun dvelja í rúma viku […]

Friðrik Sófusson áfram hjá Landsvirkjun

Landsvirkjun hefur ákveðið að framlengja ráðningarsamning við Friðrik Sófusson, forstjóra fyrirtækisins, til allt að tveggja ára. Stjórn Landsvirkjunar fór þess á leit við Friðrik að hann héldi áfram störfum og hefur hann fallist á það. Til stóð að Friðrik léti af störfum að eigin ósk í lok ársins. 55 höfðu sótt um forstjórastöðuna og höfðu […]

Ekið á stóran stein við Reynisfjall.

Tvö umferðaróhöpp voru bókuð hjá lögreglunni á Hvolsvelli í síðustu viku. Fyrra var um útafakstur að ræða vegna ísingar á vegi, ekki varð tjón á bifreiðinni í því tjóni, né hlutust af því slys. Í seinna tilvikinu var ekið á 300 – 400 kg stein sem fallið hafði úr Reynisfjalli og niður á Suðurlandsveg. Bifreiðin […]

Tvær líkamsárásir sömu nóttina

Héraðsdómur Suðurlands hefur dæmt tvo karlmenn um tvítugt í skilorðsbundið fangelsi fyrir tvær líkamsárásir utan við íþróttahúsið í Þorlákshöfn í febrúar á síðasta ári. Þeir voru einnig dæmdir til að greiða öðrum manninum, sem þeir réðust á, 311.850 krónur í bætur auk málskostnaðar. Annar var talinn hafa átt þátt í báðum árásunum og var hann […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.