Day: 2. janúar, 2009

Margrét Lára þriðja í kjöri Íþróttamanns ársins

Margrét Lára Viðarsdóttir, knattspyrnukona og íþróttamaður ársins 2007 varð þriðja í kjöri á Íþróttamanni ársins 2008 en handknattleiksmaðurinn Ólafur Stefánsson tekur við kyndlinum. Hermann Hreiðarsson var einnig í hópi tíu bestu íþróttamanna þjóðarinnar í kjöri íþróttafréttamanna en Hermann varð sjötti í kjörinu. (meira…)

�?tgáfu Gluggans hætt

Ákveðið hefur verið að hætta útgáfu sunnlenska fréttablaðsins Gluggans. Blaðið hefur verið fríblað á Suðurlandi í rúm fimm ár og verið borið út til heimila á Suðurlandi. Þrengingar á auglýsingamarkaði urðu til þess að reynt var að breyta blaðinu í áskriftarblað en þær tilraunir mistókust og því var ákveðið að leggja blaðið niður. (meira…)

Enginn lét lífið í sjóslysi árið 2008

Nýliðið ár var einstakt að því leyti að enginn maður lét lífið í sjóslysi á íslenskum skipum, að því er fram kemur í tilkynningu frá Siglingastofnun Íslands. Þar segir að jafnvel sé hægt að leiða að því líkur að árið 2008 hafi verið fyrsta árið frá landnámi án banaslysa á sjó. (meira…)

Vel heppnuð áramót í Eyjum

Óhætt er að segja að áramótin hafi gengið vel í Vestmannaeyjum þrátt fyrir að mikið hafi verið skotið upp af flugeldum og fjöldi manns hafi skemmt sér fram undir morgun á nýársdag. Lögregla var reyndar kölluð út að Illugagötu 25 á Gamlárskvöld þar sem kviknað hafði í bíl og ekki ólíklegt að það hafi gerst […]

Flugeldasýning á Stokkseyrarbryggju í kvöld kl. 20:00

Flugeldasýning á Stokkkseyrarbryggju í kvöld, 2. janúar, kl. 20:00 Björgunarfélag Árborgar hefur á undanförnum árum verið með glæsilegar flugeldasýningar á Stokkseyrarbryggju. Umgjörð þar er hin besta og gefur Menningarverstöðin ofan bryggjunnar magnað bergmál sem gerir sýningarnar enn áhrifameiri. Fjölmennum. (meira…)

Netabátar í desember

Ekki margir bátar eru að róa núna. Hvanney SF var með 23 tonn í 3 ferðum frá Hornafirði. Kristrún RE er kominn á listann, og með stærsta róðruinn sinn í haust, tæp 190 tonn og þar af grálúða um 185 tonn. Annars þeir netabátar sem eru að róa núna eiga það allir sameiginlegt að róa […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.