Um 109 kíló af fíkniefnum voru haldlögð á Austurlandi um helgina. Um er að ræða amfetamín, marijúana, hass og e-töflur. Sex karlar hafa verið handteknir í tengslum við rannsókn málsins. Í tilkynningu frá lögreglu segir að tveir hafi verið handteknir við Djúpavog og einn í grennd við Höfn. Mennirnir hafa allir verið úrskurðaðir í gæsluvarðhald til 11. maí. Þrír til viðbótar voru handteknir í 40 feta seglskútu, SIRTAKI, djúpt suðaustur af landinu. Fimm mannanna eru íslenskir en sá sjötti er hollenskur.