Skóladagur Barnaskólans verður í dag frá kl. 17:00-19:30. Fjölbreytt dagskrá verður í boði sem nemendur og gestir geta tekið þátt í. Nemendur 9. bekkjar verða með kaffihlaðborð og rennur andvirðið í ferðasjóð þeirra. Skemmtidagskrá verður bæði í salnum og úti í porti. Þrautir og leikir verða víðs vegar um skólann og verkefni nemenda frá starfi vetrarins munu hanga uppi í bekkjarstofum og víða um skólahúsið.