Kvennalið ÍBV fékk í dag heldur betur góðan liðsstyrk fyrir átök sumarsins þegar þær fregnir bárust að aðalmarkvörður liðsins síðustu ár Bryndís Lára Hrafnkelsdóttir væri á óvæntri heimleið og myndi ganga til liðs við ÍBV á ný eftir að hafa leikið í Noregi í vetur með liði Fortuna. �?etta kom eins og þruma úr heiðskíru lofti því það þótti ljóst að Bryndís Lára myndi klára tímabilið í Noregi og koma svo heim en samkomulag milli hennar og Fortuna brást og því er Bryndís Lára því komin aftur heim. �?egar ljóst þótti að Bryndís kæmi ekki heim fyrr en í júlí samdi ÍBV við enskan markvörð til tveggja mánaða Holly Clarke en hún hefur leikið með háskólaliði Montgomery í Bandaríkjunum. Holly mun leika með ÍBV í tvo mánuði eða þar til hún heldur aftur til náms ytra.
ÍBV bíður Bryndísi Láru innilega velkomna aftur til félagsins og óskar henni og liðinu góðs gengis á komandi leiktímabili.
Ibvsport.is greindi frá
