Rannsókn lögreglu á hrottalegri árás í Vestmannaeyjum í september í fyrra er á lokametrunum. �?etta segir Jóhannes �?lafsson, yfirlögregluþjónn hjá lögreglunni í Vestmannaeyjum. Kona á fimmtugsaldri fannst meðvitundarlítil í húsagarði í Vestmannaeyjum aðfaranótt 17. september í fyrra. Skömmu síðar var maður handtekinn, grunaður um að hafa beitt hana hrottalegu ofbeldi og nauðgað henni. Ruv.is greinir frá.
Maðurinn sat um tíma í gæsluvarðhaldi vegna málsins. Árásin var mjög alvarleg og var konan flutt með þyrlu á Landspítalann í Fossvogi. Hún var þungt haldin eftir áverka og svo bólgin í andliti að hún gat ekki opnað augun. �?á var líkamshiti hennar 35,3 gráður þegar að henni var komið. Hefði hún ekki fengið aðstoð hefði það orðið henni að fjörtjóni að því er fram kom í máli lögreglunnar.
Jóhannes segir að rannsóknin sé erfið. Hann segir að líklega verði önnur skýrsla tekin af konunni og að frekari gögn eigi trúlega eftir að líta dagsins ljós. Að rannsókn lokinni verði málið sent til ákæruvaldsins. Árásin er talin það alvarleg að ekki þarf kæru af hálfu þolanda til að málið fari í ákæruferli.