Fyrir bæjarráði í gær lá afrit af bréfi Viking Tours til Samgönguráðuneytisins þar sem óskað er eftir viðræðum um hvernig skipið Víkingur geti betur nýst Vestmannaeyjum til að bæta samgöngur.
Bæjarráð lýsir yfir einlægum vilja til þess að slíkar viðræður fari fram og leitað verði leiða til að nýta umrætt skip til að bæta samgöngur milli lands og Eyja. Sérstaklega bendir bæjarráð á mikilvægi þess að varaskip sé tiltækt þegar upp koma bilanir eða óvæntar frátafir af öðrum sökum.