ÍBV sigraði Fram með sjö marka mun, 31:24, þegar liðin mættust í 10. umferð Olís-deildar karla í kvöld en leikurinn var jafnframt fyrsti heimaleikur Eyjamanna á tímabilinu.
Eftir jafnan fyrri hálfleik settu Eyjamenn í næsta gír í þeim síðari og voru fljótlega komnir með nokkurra marka forystu. Línumaðurinn öflugi Kári Kristján Kristjánsson fór hamförum í leiknum og skoraði hvorki fleiri né færri en 12 mörk í leiknum.