Í tilefni þess að áramótin eru á næsta leyti með tilheyrandi flugeldasýningum, vill slökkviliðið beina þeim tilmælum til útgerðarmanna, skipstjóra og allra þeirra sem hafa aðgang að svokölluðum neyðarsólum(fallhlífarblysum) að skjóta þeim EKKI UPP um áramótin heldur koma útrunnum vörum í örugga eyðingu.
�?ó svo að þessar sólir séu fallegar á himni þá eru því miður allt of mörg dæmi þess að þær falli logandi til jarðar þar sem þær halda áfram að brenna og geta valdið miklum skaða. Höfum við lent í mörgum útköllum vegna þessa undanfarin ár og áratugi og var stærsti bruninn 1982 þegar kviknaði í Netagerð Ingólfs. Síðan þá hafa óteljandi minni brunar orðið vegna sólanna m.a. í rennum, klæðningum, sólpöllum, gróðri o.fl.
Verum því skynsöm og reynum að hafa áramótin slysalaus.