HönnunarMars fór fram í tíunda sinn dagana 15. �?? 18. mars sl. Á HönnunarMars er hönnun kynnt sem atvinnugrein sem byggir á traustum grunni og gegnir veigamiklu hlutverki í samtímanum. Á meðal viðburða ár hvert eru sýningar, fyrirlestrar, uppákomur og innsetningar. Á HönnunarMars sameinast allar greinar hönnunar; fatahönnun, arkitektúr, húsgagna- og innanhússhönnun, grafísk hönnun og vöruhönnun. Viðburðir hátíðarinnar eru skipulagðir af íslenskum hönnuðum og arkitektum, en þátttakendur hátíðarinnar telja um 400 ár hvert. Aukinn fjöldi erlendra þátttakenda kemur til landsins með hverju ári og tekur þátt í HönnunarMars en hátíðin er orðin mikilvægt hreyfiafl í íslensku samfélagi og er viðskiptalegt vægi hátíðarinnar mjög mikið fyrir þátttakendur.
Í ár var Eyjamaðurinn Guðmundur �?skar Sigurmundsson meðal þátttakenda en stólar sem hann hannaði ásamt samstarfskonu sinni Alexöndru Jónsdóttur voru til sýnis í salnum Gamla Nýló fyrir neðan Kex hostel við Skúlagötu 28. Blaðamaður hafði samband við hönnuðina tvo og fékk að vita meira um verkefnið.
Viðtalið í heild má finna í nýjasta tölublaði Eyjafrétta og í vefútgáfu blaðsins.