Með Eyjafréttum sem fór í aldreifingu innanbæjar í dag og til áskrifenda annarstaðar er sérstakt 18 bls. blað sem helgað er komu vatnsins til Eyja 20. Júlí 1968.
Þessara merku tímamóta verður einnig minnst með fundi á laugardaginn 7. Júlí í Sagnheimum – efri hæð Safnahúss kl. 14.00-16.00. Þar flytur Ívar Atlason erindi um söguna og vatnsskortinn í Eyjum. Hrönn Hannesdóttir húsmóðir segir frá hvenig hún upplifði takmarkað vatn á sínum uppvaxtarárum og við heimilishald áður en vatnsveitan tók til starfa. Dofri Eysteinsson, eigandi Suðurverks segir frá lagningu vatnsleiðslu í landi 1966-1967 og Gunnar Marmundsson, eftirlitsmaður Vatnsveitunnar í landi til margra áratuga greinir sínu starfi. Í lokin verður fyrirspurnum svarað og ljósmynd Sigurgeirs frá komu vatnsleiðslunnar 20 . júlí 1968 með nöfnum verður varpað á veginn. Arnar Sigurmundsson verður með samantekt í lokin. Á eftir verður sýnt 20 mín. mynd sem NKT framleiðandi vatnsleiðslanna lét gera 1968 og sýnir undirbúnig , framleiðslu og lagningu leiðslunnar með Henri P. Lading. Á eftir verður boðið upp á kaffi og konfekt. Reiknað er með að samkoman verði samtals um 2 klst.
Í áhugahópi til að minnast þessa merka atburðar eru Arnar Sigurmundsson, Ívar Atlason, Stefán Ó. Jónasson og Kari Bjarnason, Ómar Garðarsson var ritstjóri blaðsins Vatn í fimmtíu ár en það má skoða hér að neðan.