Handknattleiksmaðurinn Andri Heimir Friðriksson verður ekki í röðum ÍBV í Olísdeildinni í vetur en hann er á förum frá félaginu. Andri staðfesti þetta í samtali við mbl.is í dag.
Ekki liggur enn fyrir hvar Andri, sem er 28 ára, mun spila á næsta tímabili en hann er að flytja ásamt kærustu sinni til Reykjavíkur en þau eiga von á barni. Það mun þó ráðast á næstu vikum hvar Andri Heimir mun spila í haust.
