Streita, dulinn skaðvaldur

Ragnheiður Guðfinna Guðnadóttir, sálfræðingur.

Á miðvikudaginn kemur, þann 26. september, bíður Viska uppá fyrirlesturinn „Streita, dulinn skaðvaldur.”

Fyrirlesturinn fjallar um streitu, einkenni og afleiðingar. Einnig verður rætt um hvernig langvarandi streita getur leitt til kulnunar og hversu mikilvægt er að tileinka sér streitustjórnun til að fyrirbyggja að streitan komi niður á heilsu okkar.

„Hugtakið „streita” er á allra vörum, ástandið á atvinnumarkaðinum hefur gert það að verkum að starfsfólk er farið að normalisera streitu og álag, komið í vítahring og áttar sig ekki á fyrr en vandamálið er orðið ansi stórt. Birtingarmyndin af þróun sjúklegrar streitu er ólík eftir því hver einstaklingurinn er og hvaðan hann er að koma, þannig að það er erfitt að setja fingur á vandann og greina hann snemma. Einstaklingar þurfa að bera ábyrgð, þekkja einkennin, átta sig á alvarleika málsins og þekkja til úrræða til að grípa í þegar viðkomandi er að keyra sig í þrot. Fyrirlesturinn felur í sé fræðslu um streitu, áhrif hennar á líf fólks, hvernig hún getur leitt til sjúklegs ástands og hvaða úrræði sé gott að grípa til,” segir Eyjamærin Ragnheiður Guðfinna Guðnadóttir, sálfræðingur sem heldur erindið.

Fyrirlesturinn fer fram í húsakynnum Visku að Ægisgötu 2 (gamla Fiskiðjan) og er þátttakendum að kostnaðarlausu. Miðvikudaginn 26. september kl. 17.00.
Fólk er hins vegar beðið að skrá sig til þátttöku hjá Visku í síma 488-0100 eða á [email protected].

Leiðbeinandi er Ragnheiður Guðfinna Guðnadóttir sálfræðingur
Erindið er þátttakendum að kostnaðarlausu. Fólk er hins vegar beðið að skrá sig til þátttöku hjá Visku.