Þá er frábær Þrettándahátíð að baki með þéttskipaðri dagskrá.
Dagskrá þrettándans hófst á fimmtudegi með myndlistasýningu og Eyjakvöld á Kaffi Kró.
Grímuball Eyverja var svo á sínum stað á föstudaginn þar sem um 300 grímuklæddir krakkar voru mættir.
Hin eina sanna Þrettándagleði ÍBV og Íslandsbanka fór svo fram um kvöldið. Þar sameinuðus að vanda menn, álfar, tröll, jólasveinar og hinar ýmsu kynjaverur og kvöddu jólin með stæl.
Á laugardaginn fór svo fram tröllagleði í íþróttahúsinu þar sem börn fengu að prufa hinar ýmsu íþróttagreinar og tæki. Þá fór einnig fram jólaratleikur Sagnheima á sama tíma.
Hátíðinn var svo lokað með helgistund í Stafkirkjunni á sunnudaginn þar sem sr. Guðmundur Örn predikaði og Tríó Þóris Ólafssonar sá um tónlistina.
Allt var þetta vel sótt af Eyjamönnum og gestum og að sjálfsögðu var okkar maður Óskar Pétur á staðnum og myndaði herlegheitin.
