Langstærstur hluti ríkisfjár sem á að fara í sjósamgöngur í samgönguáætlun fer í Landeyjahöfn. Margar stórar hafnarframkvæmdir eru í pípunum, enda löngu tímabærar. Sótt var um margalt meira fjámagn en fékkst.
Stærsti útgjaldaliðurinn sjósamgöngum tengist Vestmannaeyjum. Vestmannaeyingar fá nýja og langaþráða ferju innan tveggja mánaða sem leysir gamla Herjólf af hólmi. Sérstök 800 milljóna viðbótarfjárveiting er lögð til að rafvæða hana. Svo er Landeyjahöfn. Þangað eiga að fara 3,3 milljarðar á næstu fimm árum, þar af um 730 milljónir í botndælubúnað nú 2019 til að hún geti sinnt hlutverki sínu, sem aðalsamgönguæðin til Eyja. En það eru fleiri hafnir en Landeyjahöfn sem þarf að dýpka. Meirihluti og samgöngunefndar vill setja árlega um 60 þúsund rúmmetra dýpkun í innsiglingunni við Þorlákshöfn í forgang og nota til þess 40 milljónir á ári, rúv greindi frá.
