Tvö bílastæði í stað útisvæðis fyrir börn og fullorðna

Eigendur The brothers brewery keyptu nýverið eign við Bárustíg 7 sem þeir vinna nú hörðum höndum við að gera upp svo hægt verði að opna staðinn fyrir sumarið. Í plönum þeirra var einnig að gera flott útisvæði við húsnæðið.

Jóhann Guðmundsson einn af eigendum The brothers brewery sótti um fyrir hönd fyrirtækisins eftir stækkun á lóð til norðurs í samræmi við meðfylgjandi mynd. Þar sem er merkt með rauðu er sú stækkun sem óskað var eftir. „Það er ljóst að sú starfsemi sem verður í húsnæðinu að Bárustíg 7 kallar nú eftir frekari afþreyingu fyrir fullorðna utanhús á meðan að þörfin fyrir bílastæði í miðbænum hefur fækkað gríðarlega við þessa breytingu. Einnig eru fjöldin af ónýttum bílastæðum í innan við 50m radíus frá þessu svæði. Við óskum þar af leiðandi eftir þessari lóð sem verður þá breytt í afþreyingarsvæði fyrir börn og fullorðna með leiktækjum, en hugmyndin er að setja upp stóra útgáfu af jenga og stóra útgáfu af tengja fjóra í röð ásamt því að vera með svæði til að njóta þeirrar menningar sem að The Brothers Brewery hefur búið til á síðustu árum.”

Að ekki verði fækkað bílastæðum
Niðurstaða skipulagsráðs var hinsvegar ekki jákvæð. “Ráðið getur ekki orðið við erindinu. Ráðið telur mikilvægt að ekki verði fækkað bílastæðum í miðbænum. Ráðið felur byggingarfulltrúa og formanni Skipulagsráðs að ræða við eigendur.”

Alþýðuhúsið – KK

Eyða dýrmætasta landi sveitarfélagsins undir geymslu á bílum
Eftir þessar niðurstöður sagði Jóhann meðal annars á facebook síðu sinni að Vestmannaeyjabær með sinni stefnu væri einfaldlega að eyðileggja miðbæinn og þá menningu sem skiptir svo gríðarlegu máli til framtíðar þessa sveitarfélags. „Á sama tíma og Reykjavíkurborg fækkar umferð, bílastæðum og öðru í þágu menningar og atvinnustarfsemi þá erum við að fara akkurat öfuga leið. Það að eyða dýrmætast landi sveitarfélagsins undir geymslu á einhverjum bílum á meðan að þar væri hægt að styðja við atvinnustarfsemi og menningu er kolröng og gamaldags stefna sem einfaldlega stór hættuleg og skaðleg fyrir sveitarfélagið til framtíðar.“

„Það eru fjölmörg ónotuð bílastæði í innan við 50m fjarlægð frá þessum tveimur sem við vildum fjarlægja. Meðal einstaklingur gengur ca 1,5m á sec þannig að fyrir þessa tvo bíla væri það 30 sec lengur að göngu sem allir hafa gott af á þessum tímum. Þess má reyndar líka geta að ég persónulega er líka á því að það eigi að fjarlæga það bílastæði fyrir byggingarlóð enda byggist ekki upp neinn alvöru miðbær nema með atvinnustarfsemi, menningu og fólki. Það mætti t.d. byggja þá lóð upp þannig að það væri bílastæði undir húsinu og tryggt þannig að það væri bæði bílastæði og atvinnustarfsemi. Bærinn ætlar að taka enn verðmætara land svo aðeins neðar undir eitt risastórt bílastæði og stækkun á fiskimjölsgeymslu. Ef það er nauðsynlegt að stækka fiskimjölsverksmiðjuna væri þá ekki kjörið að hafa bílakjallara undir henni eða bara ofan á flötu þakki fiskimjölsgeymslunar. Nýta svo landið sem sparast undir byggingalóðir fyrir blandaða starfsemi,“ sagði Jóhann á facebook síðu sinni í morgun.

Skjólsælt svæði með afþreyingu fyrir börn og fullorðna
Kjartan Vídó Ólafsson er líka einn af eigendum The brothers brewery og sagði hann að með umsókn þessari ætluðu þeir að byggja skjólsælt svæði með einhverri afþreyingu fyrir börn og jú fullorðna og gefa miðbæ Vestmannaeyja meira líf

„Sóttum við um að fá að fækka bílastæðum um 2 bílastæði við húsnæðið okkar og byggja upp útisvæði sem átti m.a. að innihalda leiksvæði fyrir börn. Frá því við opnuðum ölstofuna höfum við lagt metnað okkar í það að börn séu velkominn. Höfum við náð að byggja upp góða og rólega stemningu á ölstofunni þannig að börn njóti þess að vera hjá okkur. Þau fá popp eins og þau geta í sig látið, myndir til að lita og svo eigum við oft smá sælgæti til að gefa þeim. Fjölmörg börn kalla ölstofuna poppbúðina og þykir okkur vænt um þá nafnbót frá krökkunum enda tökum við þeim alltaf fagnandi.

Með umsókn okkar ætluðum við að byggja skjólsælt svæði með einhverri afþreyingu fyrir börn og jú fullorðna og gefa miðbæ Vestmannaeyja meira líf. En því miður er það svo að þau sem ráða för í Umhverfis- og skipulagsráði á eyjunni fögru sem ég elska vilja frekar halda tveimur bílastæðum en leyfa okkur að byggja upp aðlagandi útisvæði fyrir gesti okkar,“ sagði Kjartan á facebook síðu sinni.

Húsasmiðjan – almenn auglýsing

Mest lesið