Nýtt tölublað Eyjafrétta er komið út

Nýtt tölublað Eyjafrétta er komið út og verður blaðið borið út til áskrifenda í dag. Hægt er að kaupa blaðið í lausasölu í Vöruval, Klettinum og Tvistinum.

Fermingarnar eru framundan og í blaðinu er að vanda fermingabörnunum, aðstandendum þeirra og öllu því sem að fermingunni lýtur gerð skil í máli og myndum. Eins og venjulega birtum við myndir af öllum fermingarbörnum Eyjanna ásamt upplýsingum um foreldra þeirra og fermingardaginn.

Fermingar eru ekki eina umfjöllunarefnið. Við spjöllum við Sigrúnu Sigurðardóttur lektor við Háskólann á Akureyri, en hún vann í lögreglunni í Vestmannaeyjum árið 1995. Árið í Eyjum var örlagaríkt og hefur haft mikil áhrif á líf hennar allt til dagsins í dag. Athafnarmaðurinn Páll Eyjólfsson er í einlægu spjalli um lífið og æskuárin í Eyjum. Við tókum viðtal við Írisi Róbertsdóttur um loðnubrestinn, Herjólf og stöðuna í Landeyjahöfn.

VEY100 – Afmælisrit

Fatagámur Rauða Krossins er reglulegur viðkomustaður margra. Rauði krossinn sér um að flokka og endurvinna vefnaðarvöru hér á landi en fatasöfnun er eitt mikilvægasta fjáröflunarverkefni samtakanna. Þórunn Jónsdóttir hjá Rauða Krossinum fer þrisvar sinnum í viku að tæma gámana í Vestmannaeyjum, þetta og meira í nýjasta tölublaði Eyjafrétta.

Húsasmiðjan – almenn auglýsing