Gengur þetta?

Páll Magnússon

Ég skrifaði grein í Eyjamiðlana í kringum síðustu áramót sem fjallaði um umburðarlyndi og nauðsyn þess að við sýnum hvert öðru virðingu þrátt fyrir skoðanaágreining. Þetta gerði ég að gefnu tilefni: mér fannst umræðan um ýmis ágreiningsefni hér í Eyjum komin út á hreinar villigötur; heiftin og illmælgin í sumum tilvikum komin út yfir öll velsæmismörk.

Ég nefndi engin dæmi um þetta en er nú kominn á þá skoðun að það verði að benda á brestina ef það á að vera hægt að laga þá.

Undir þessa mynd setti Páll Guðmundsson athugasemdina “kvislingar”.

Í kjölfar opins fundar þingflokks Sjálfstæðismanna í Ásgarði síðasta föstudag birti Ásmundur Friðriksson fjölmargar myndir frá fundinum á facebook síðu sinni, eins og hann er vanur. Á einni þeirra mátti sjá heiðursmennina Stefán Geir Gunnarsson og Stefán Jónsson. Myndin fylgir hér greininni. Undir þessa mynd skrifaði Páll Þór Guðmundsson þessa athugasemd: Kvislingar. (Reyndar skrifaði hann líka „Páll Kvísling“ undir mynd sem ég var á en látum það liggja milli hluta. Ég er víst það sem kallast opinber persóna og á að þola svona aðkast. Það er líka rétt að taka fram að Ásmundur eyddi þessu af síðunni sinni þannig að þetta er ekki þar lengur).

Húsasmiðjan – almenn auglýsing

En hvers eiga þeir að gjalda, Stebbi Geir og Stebbi á Grund? Íslensk orðabók segir að merking orðsins kvislingur sé „landráðamaður, sá sem svíkur land sitt í hendur óvinaher”. Orðið er auðvitað dregið af nafni norska nasistans Vidkun Quisling sem var handbendi Þjóðverja í seinni heimstyrjöldinni og Norðmenn dæmdu til dauða fyrir landráð eftir stríðið. Hann var m.a. sakaður um að vera valdur að dauða um 1000 norskra Gyðinga.

Þetta er sem sé maðurinn sem Páll Þór Guðmundsson telur sér sæmandi að líkja þeim við, Stebba í Gerði og Stebba á Grund. Og af hverju líkir Páll þeim við landráðamann og morðingja? Jú, vegna þess að þeir höfðu aðra skoðun en hann í bæjarpólitíkinni.

Vonandi getum við öll verið sammála um að svona talsmáti um samferðarfólk gengur ekki.

Páll Magnússon

Alþýðuhúsið: Mugison
Alþýðuhúsið: Salka og Sólkerfið

Mest lesið