Nemendur í 5. bekk Grunnskóla Vestmannaeyja kynntu sér starfsemina í uppsjávarvinnslu Vinnslustöðvarinnar síðastliðinn miðvikudag, 24. apríl, og fóru fjölfróð og ánægð heim, beint úr kakó- og Prins póló-veislu hjá Eydísi á kaffistofunni!
Óskað var eftir því í vetur að krakkarnir fengju að stúdera loðnuna alveg sérstaklega, enda loðna fiskur árgangsins í skólanum. Það fór sem fór, „fiskur árgangsins“ er bara ekki veidd sem stendur og því ekkert að sýna.
Vinnslustöðin bauð þá krökkunum að koma samt og kynnast öllu sem væri að gerast á öðrum sviðum vinnslunnar í fyrirtækinu. Það gerðu þau og Benoný Þórisson, framleiðslustjóri uppsjávarsviðs, tók á móti hópnum og af viskubrunni sínum um um veiðar og vinnslu. Gestirnir fengu að skoða þorsk, ufsa og karfa og sjá afurðir sem unnar eru úr þeim fisktegundum, bæði frosnar og saltaðar.
Þetta heppnaðist ljómandi vel og sendir Vinnslustöðin bestu kveðjur í Grunnskóla Vestmannaeyja með þökk fyrir innlitið!
