Gregor Brodie, afreksstjóri Golfsambands Íslands, og Ólafur Björn Loftsson, aðstoðarafreksstjóri, hafa tilkynnt hvaða leikmenn skipa landslið Íslands sem tekur þátt á Evrópumeistaramótinu í liðakeppni sem fram fer í Svíþjóð, á Ítalíu, í Frakklandi og á Spáni í júlí.
Alls völdu þeir leikmenn í fjögur landslið sem taka þátt fyrir Íslands hönd á EM en öll fjögur landsliðin eru skipuð áhugakylfingum og munu öll liðin keppa í efstu deild. Öll fjögur mótin fara fram á sama tíma, 9.-13. júlí en karlalandsliðið keppir á Ljunghusen-vellinum í Svíþjóð, kvennalandsliðið á Molas-vellinum á Ítalíu, piltalandsliðið á Chantilly-vellinum í Frakklandi og stúlknalandsliðið á Parador-vellinum á Spáni.
Kristófer valinn í liðið
Kristófer Tjörvi Einarsson var valinn í unglingalandslið Íslands í golfi. Kristófer hefur æft mikið undanfarið og spilað vel á Íslandsbankamótaröðinni hér heima. Óskum við honum til hamingju með árangurinn, segir í tilkynningu frá golfklúbbi Vestmannaeyja.