Níunda tapið í röð staðreynd

ÍBV sótti heim Víking í gær í leik í Pepsi Max-deild karla. Víkingur tók hins vegar öll völd á vellinum strax frá upphafi og leiddu leikinn 1-0 í hálfleik eftir mark á 38. mínútu. Síðari hálfleikurinn var svo meira af því sama og á 75. mínútu juku Víkingar muninn í tvö mörk. Sá munur hélst þó stutt þar sem Pórtúgalinn Telmo Castanheira minnkaði muninn fyrir ÍBV með skotu utan úr teig í kjölfar hornspyrnu. Heimamenn tryggðu sér hinsvegar auðveldan sigur á 82. mínútu. Lokatölur 3-1 og níunda tap ÍBV í röð staðreynd.

Það er því nokkuð ljóst að ÍBV mun leika í Inkasso-deildinni á næstu leiktíð. Tölfræðilega er þó enn möguleiki en ekkert í leik liðsins bendir til annars en að menn hafi sætt sig við örlögin. „Ég held að menn þurfi bara að finna það hjá sjálfum sér að gera sig ekki að fífli. Sama hvort það séu 99% líkur á að liðið fari niður eða ekki, þetta er bara fótboltaleikur og við þurfum að setja kassann út og vinna hvern einasta leik sem við spilum,” sagði Sindri Björnsson, miðjumaður ÍBV í viðtali við Vísi.is eftir leikinn. „Við sköpuðum okkur ekki mikið, ekkert frekar en í öllum öðrum leikjum. Víkingsliðið er gott lið, þeir gerðu vel og voru betri en við í dag. Frammistaðan var mjög döpur frá aftasta manni til fremsta.”

Eftir leikinn situr ÍBV sem fastast á botni deildarinnar með aðeins fimm stig, tólf stigum á eftir næsta liði, Grindavík. Sex umferðir eru eftir af deildinni og því 18 stig í pottinum.
Næsti leikur liðsins er gegn Hásteinsvelli á sunnudaginn þegar KA kemur í heimsókn.

Textílmiðstöð

Mest lesið