Eyjasýn færir Ljósmyndasafni Vm.  staðbundið sjónvarpsefni  

Eyjasýn ehf. rak staðbundna sjónvarpsstöð í Eyjum frá 2001 – 2011  samhliða prentsmiðju, vikublaðinu Fréttir, -síðar Eyjafréttir og eyjafrettir.is   eftir sameiningu Eyjaprents og Fjölsýnar árið 2001. Sjónvarpsstöð Eyjasýnar gerði ýmsa þætti  tengda bæjarlífinu í Eyjum, má þar nefna fréttir,  útsendingar af fundum bæjarstjórnar, útsendingar af   fótbolta- og handboltaleikjum ÍBV , spurningakeppnir, mannlífsþætti, viðtöl við bæjarbúa ofl.   Þegar saman kemur er þetta heilmikið af efni sem er orðinn hluti af menningarsögu Eyjanna.  Jón Árni Ólafsson hélt utan um tæknilega hluta sjónvarpsins þann tíma er stöðin starfaði og starfsfólk Eyjasýnar annaðist að dagskrárgerð.  Auk þess að sýna eigið efni voru nokkrar erlendar stöðvar í pakkanum og stöðin sem var áskrfitarstöð kom upp  eigin loftnetum  hjá áskrifendum,  móttökudiski vegna erlendu stöðvanna og endurvarpi fyrir ofan byggðina við Hátún.

Þegar Eyjasýn flutti af Strandvegi 47 að Ægisgötu 2 fyrir rúmlega ári, var ljósmyndasafni Vm. í Safnahúsinu  afhent  ljósmyndasafn Frétta – Eyjafrétta og eru þetta þúsundir ljósmynda flestar teknar af starfsfólki fyrirtækisins á löngum tíma. Ljósmyndasafnið  mun flokka þær og síðan skanna eftir föngum á næstu árum.

Mánudaginn  19. ágúst sl.   afhentu fulltrúar Eyjasýnar  Ljósmyndasafni Vm.bæjar  fimm stóra plastkassa af með hundruðum  geisladiska og VHS spóla sem innihalda að mestu innanbæjar framleiðslu sjónvarpss  Eyjasýnar frá 10 ára starfstíma.   Ljósmyndasafn Vm.bæjar mun á næstunni flokka efnið.  Töluverður hluti  þess er á geisladiskum og tilbúið til sýninga, en  ljúka  þarf yfirfærslu á öðrum, sem eru  VHS spólum.

Sass – uppbyggingarsjóður

Ljósmyndin  var tekin í Einarsstofu  þegar Jón Árni Ólafsson og Arnar Sigurmundsson fulltrúar Eyjasýnar afhentu Kára Bjarnasyni forstm. sjónvarpsefnið í kössunum fimm  í Safnahúsi Vestmannaeyja.   Kári Bjarnason  sagði við þetta tækifæri að Ljósmyndasafninu og Safnahúsinu væri mikill fengur í þessu innanbæjar sjónvarpsefni Eyjasýnar  og væri áformað koma  hluta þess  sýningarhægt ástand á næstunni og  yfirfæra annað á lengri tíma.  Til athugunar er að sýna valda kafla af framleiðslunni  síðar á þessu ári á vegum safnsins og einnig á eyjafrettir.is  Jafnframt þakkaði Kári Bjarnason  Eyjasýn ehf. fyrir vinsemd á garð safna bæjarins á liðnum árum.

  AS.     

Húsasmiðjan – almenn auglýsing

Mest lesið