Efling sýslumannsembættisins í Eyjum

Í bæjarráði í hádeginu í dag var kynnt sú ánægjulega ákvörðun dómsmálaráðherra að auglýsa stöðu sýslumannsins í Eyjum. Við tökum því fagnandi að dómsmálaráðherra hafi tekið tillit til okkar sjónarmiða í þessu máli. Við höfum talað af festu fyrir þessum málsstað við þá tvo ráðherra sem gegnt hafa embætti dómsmálaráðherra eftir að sá þriðji tók þá ákvörðun að kalla sýslumanninn burt frá Eyjum í byrjun ársins. Nú hefur þetta borið árangur og því ber að fagna. Það er ekki síst ánægjulegt að verið er að færa tvö ný og skilgreind verkefni til embættisins í Eyjum til viðbótar við þau sem þar eru fyrir, en við lögðum þunga áherslu á það við ráðherrann til að festa starfsemina hér í sessi. Það er miklvægt  skref í því að styrkja embættið og var nauðsynlegt að fá líka ný sérverkefni sem vonandi í framtíðinni skila fleiri stöðugildum. Það sýnir sig að samstaða skilar árangri.

Ég vil þakka dómsmálaráðherra fyrir að hafa hlustað og öllum sem hafa lagt hönd á plóginn til að ná þessari niðurstöðu,  bæjarfulltrúum, þingmönnum Suðurkjördæmis og fleirum.

Íris Róbertsdóttir
Bæjarstjóri

Fiskvinnslufólk vantar
Jóla smörrebrod

Mest lesið