Kæru Eyjabúar.

Það ætti ekki að hafa farið framhjá neinum að búist er við mjög slæmu veðri á sjálfan Valentínusardaginn, 14. febrúar. Þetta veður mun ekki sýna lausum hlutum neina ást og umhyggju.
Við biðjum ykkur því að ganga tryggilega frá öllu lauslegu, hvort sem það eru ruslatunnur eða annað við ykkar hús og fyrirtæki.
Ef þið hafið tök á að setja t.d. ruslatunnur inn í bílskúr eða geymslu þá hvetjum við eindregið til þess. Reynslan hefur kennt okkur að í verstu veðrum hafa jafnvel vel festar tunnur ákveðið að heimsækja nágranna sína.
Vinsamlega hjálpið okkur að gera bæinn okkar sem best undirbúinn undir hvellinn.
Ef svo illa fer að þið þurfið á aðstoð okkar að halda þá hringið í 112.