Ennþá er hvasst í Vestmannaeyjum kl. 9. Vindhraði var 38 m/s en 54 m/s í hviðum. Það hefur heldur lægt síðan í nótt er mesti vindhraði var 44 m/s. Íbúar eru enn hvattir til að vera ekki á ferðinni. Það er hálka á götum, krapi og mikil bleyta. Það sem af er nætur hafa komið upp 25 verkefni, sem björgunarsveit og lögregla hafa sinnt. Um er að ræða þaktjón, girðingar og ýmis önnur verkefni þessu tengt. Samkvæmt veðurspá á veður að byrja að gang niður um hádegi. Íbúar eru hvattir til að fylgjast vel með tilkynningum sem settar verða inn á FB síðu lögreglunnar í Vestmannaeyjum.
