Hjörtur Kristjánsson framkæmdastjóri lækninga við Heilbrigðisstofnun Suðurlands sendi frá sér í kvöld upplýsingar um stöðuna á Kórónaveirunni. Þar kemur fram að 23 einstaklingar eru í sóttkví á Suðurlandi. Einnig er eitthvað um að fólk færist til milli húsnæða sérstaklega milli eigins heimilis og og sumarbústaðs í sóttkví/einangrun og vegna slíkra flutninga eru t.d. núna engir með staðfest smit staðsettir á Suðurlandi.
Fáein sýni af Suðurlandi bíða vinnslu á morgun á veirufræðideild Landspítala líkt og verið hefur síðustu daga.
Tveir einstaklingar eru nú í sóttkví í Vestmannaeyjum auk aðstandanda á heimili. Engin „líkleg tilfelli“ hafa komið upp í Vestmannaeyjum, en tekin hafa verið fáein sýni í skimunarskyni.
