Helgihald dagsins verður með öðru sniði vegna komandi samkomubanns. Af þeim sökum hefur sunnudagaskólanum verið aflýst.

Klukkan 14:00 verður hins vegar stutt bænastund í kirkjunni sem er opin öllum. Sr. Viðar þjónar fyrir altari og flytur hugvekju. Þá verður Kitty við orgelið en þó án kórs Landakirkju.

Eðli komandi vikna samkvæmt er ýmislegt sem veldur kvíða og áhyggjum enda fordæmalausir tímar í sögu lýðveldisins. Bænastund morgundagsins er því tilvalin til að koma saman í síðasta sinn í kirkjunni fyrir samkomubann. Þar gefst okkur gott tækifæri og rými til að fela áhyggjur okkar, komandi tíma, náunga okkar, okkur sjálf og land okkar í hendur Guðs.