Foktjón varð hjá Skipalyftunni seinnipartinn í gær þegar stór iðnaðarhurð fauk upp á suður gafli hússins. Stefán Örn Jónsson yfirverkstjóri hjá fyrirtækinu áætlar að tjónið hafi orðið milli sex og sjö og segir guðs mildi að engin var við enn við vinnu sem í venjulegu árferði er ekkert óeðlilegt á þessum tíma. “Þetta er þannig staður í húsinu hjá okkur að þarna eru oft menn að störfum og við hrósum bara happi yfir því að enginn hafi orðið undir þessu.”
Hvöss suð-austan átt gekk yfir í gær með snörpum hviðum. En engu að síður varð þó nokkuð tjón. “Já hurðin er ónýt og brautin fyrir hana illa farin, einnig varð eitthvað tjón á minni hlutum fyrir innan hurðina, en við erum ekki að gráta það eru bara dauðir hlutir. Við erum fyrst og fremst þakklátir að ekki fór verr,” sagði Stefán að lokum.
