Tilkynning frá aðgerðastjórn – 6 ný smit í gær

Í dag er fjöldi þeirra sem greinst hafa með staðfest smit í Vestmannaeyjum orðinn 47. Þannig bættust 6 smitaðir í hópinn seint í gærkvöldi en af þeim voru 3 þegar í sóttkví. Fjöldi einstaklinga í sóttkví er orðinn 554. Verulega hefur fækkað í hópi þeirra sem eru að koma erlendis frá og frá áhættusvæðum og fara í 14 daga sóttkví við komuna til landsins. Það skýrist að sjálfsögðu af fækkun ferðalaga.

Minnt er á mikilvægi þess að fylgja leiðbeiningum um einangrun og sóttkví. Gætum að eigin smitvörnum. Við erum öll almannavarnir.

Aðgerðastjórn

Mest lesið