Nökkvi Dan Elliðason hefur framlengt samning sinn við handknattleiksdeild Selfoss.
Nökkvi, sem er 22 ára gamall, kom til liðsins í byrjun árs 2019 og var lykilmaður í Íslandsmeistaraliði Selfoss það ár. Hann glímdi við meiðsli á nýliðnu tímabili og hefur þar af leiðandi ekki náð að sína sitt rétta andlit en Nökkvi var að ná vopnum sínum á ný þegar tímabilið var blásið af.
„Handknattleiksdeildin fagnar því að Nökkvi skuli halda áfram hjá Selfoss og verður gaman að fá að fylgjast aftur með þessum gleðigjafa á næsta tímabili.“ segir í tilkynningu frá Selfyssingum.
