Jól í skókassa, verkefni KFUM og KFUK á Íslandi, sem hefur hlotið mikinn stuðning og notið mikillar velgengni undanfarin ár er aftur farið af stað þrátt fyrir aðstæður í þjóðfélaginu. Verkefnið snýst um að setja litlar og einfaldar gjafir í skókassa sem síðan eru sendir til munaðarlausra og fátækra barna í Úkraínu.
Tekið er á móti kössum í Landakirkju sem og hjá Flytjanda niðri við Friðarhöfn, en Eimskip og Flytjandi eru á meðal styrktaraðila að verkefninu. Síðasti skiladagur skókassa í Vestmannaeyjum er föstudagurinn 30. október.
Mikilvægt er að fara vel eftir leiðbeiningum varðandi hvað má fara í kassana og hvernig ganga eigi frá þeim. Um þessar mundir er sérstaklega mikilvægt er að gæta að sóttvörnum við frágang kassanna. Allar upplýsingar um slíkt ásamt prentefni til merkinga er að finna á heimasíðu verkefnisins kfum.is/skokassar
Nálgast má skókassa í Axel Ó, Sölku og Flamingo
