Á fundi Fjölskyldu- og tómstundaráðs í vikunni var framhald af 4. máli 251. fundar fjölskyldu- og tómstundaráðs frá 29. september 2020. Þar óskaði Líkamsræktarstöðin ehf eftir að framlengja samning um leigu á líkamsræktarsal í Íþróttamiðstöðinni um eitt ár í senn en samningurinn er að renna út um næstu áramót. Ráðið getur ekki orðið við þeirri ósk og er sammála því að auglýsa eftir samstarfsaðilum um leigu á líkamsræktarsalnum. Er það gert til að tryggja eðlilega samkeppni, jafnræði, hagkvæmi og gegnsæi í viðskiptum Vestmannaeyjabæjar í anda laga og innkaupareglna. Líkamsræktarstöðin ehf. sem og aðilar eru hvött til að sækja um þegar auglýst verður.