Dagana 9. til 23. september nk. ætlar Vestmannaeyjabær að framkvæma skoðanakönnun meðal allra íbúa sveitarfélagsins sem eru fæddir árið 2007 eða fyrr. Upplýsingar sem safnast í þessari könnun verða notaðar við mótun atvinnustefnu sveitarfélagsins.
Bæjarstjórn og aðrir aðstandendur könnunarinnar hvetja alla til að taka þátt og deila skoðunum sínum og hugmyndum um þróun atvinnulífsins í Vestmannaeyjum. Mikilvægt er að sem flestir bæjarbúar taki þátt í að móta þróun atvinnulífs í Eyjum, sem er meginforsenda hagsældar og atvinnuþátttöku. Þátttakendur geta svarað könnuninni á íslensku, pólsku eða ensku.

Hér getur þú nálgast könnunina sem tekur um 15-25 mín. að ljúka

Verkefni þetta er einstakt á landsvísu en Vestmannaeyjar eru fyrsta sveitarfélag landsins þar sem öllum íbúum, sem í ár eru 14 ára eða eldri, gefst tækifæri til að koma að mótun framtíðar í efnahagsmálum sveitarfélagsins.