Laugardaginn 23. október ætlar KKĺ, Körfuknattleikssamband Íslands, að vera með körfuboltadag í íþróttamiðstöðinni í Vestmannaeyjum og vera með æfingar og leiki og kynna körfuboltann fyrir krökkunum í Eyjum.
Námskeidið verður tvískipt en fyrri hlutinn er leikjanámskeið sem verður frá kl. 13:00-14:00 og svo loks körfuboltaæfing kl. 14:00-16:00.
Leikjanámskeid frá 13:00-14:00
Námskeiðið er fyrir krakka í 1.-4. bekk bædi stelpur og stráka en á þessu leikjanámskeiði verður körfuboltinn hafður í forgrunni í bland við fjölbreytta og skemmtilega leiki. Gleði og jákvæðni eru ein af einkunnarorðum okkar og markmiðið með leikjanámskeiðunum er að kynna körfuboltann fyrir krökkunum á svæðinu spila, fara í ýmsa skemmtilega leiki og hafa gaman!
Körfuboltaæfingar frá 14:00-16:00
Æfingin er fyrir alla krakka í 5.-10. bekk en á þessum æfingum verður lögð áhersla á að kynna körfubolta í gegnum einstaklingsmidaðar æfingar eins og sóknarhreyfingar, dripl, skot og sendingar sem miða að því að bæta tækni og audvitað verða spilaðir leikir í bland við fjölbreyttar æfingar og fjör.
Sævaldur Bjarnason þjálfari 18 ára landsliðs kvenna og margreyndur þjálfari bæði í yngri flokkum og meistaraflokki mun stjórna deginum og vonumst við til þess að allir krakkar á svæðinu kíki í heimsókn og taki þátt í deginum sem er öllum að kostnaðarlausu og ekki þarf að skrá sig heldur bara mæta!
