44 fyrirtæki af 853 á lista Creditinfo yfir Framúrskarandi fyrirtæki eru staðsett á Suðurlandi, eða rúm 5 prósent. Athygli vekur að fjórðungur þessara fyrirtækja, 11 alls, eru í Vestmannaeyjum, en þau skipa líka þrjú af fimm efstu sætum listans á Suðurlandi. Næst á eftir Vestmannaeyjum í fjölda fyrirtækja á listanum er svo Selfoss með 10 fyrirtæki.
Fimm efstu sætin á skipa Ísfélagið í Vestmannaeyrjum sem er í 23. sæti á heildarlista Framúrskarandi fyrirtækja, Vinnslustöðin í Eyjum (í 45. sæti), JÁVERK á Selfossi (60. sæti), Huginn í Vestmannaeyjum (71. sæti) og Þjótandi á Hellu (110. sæti).
Af fyrirtækjunum 44 sem eru á listanum koma 10 fyrirtæki ný inn en það eru fyrirtækin Vigri, Leo Fresh Fish, Lögmenn Suðurlandi, Framrás, Bjólubúið, Eðalbyggingar, Lagarnir, Grímsborgir, Lagnaþjónustan, og Orkugerðin.
Skilyrði sem Framúrskarandi fyrirtæki þurfa að uppfylla:
• Fyrirtækið er í lánshæfisflokki 1-3
• Ársreikningi er skilað lögum samkvæmt eigi síðar en átta mánuðum eftir uppgjörsdag
• Fyrirtækið er virkt samkvæmt skilgreiningu Creditinfo
• Framkvæmdarstjóri er skráður í fyrirtækjaskrá RSK
• Rekstrartekjur eru að lágmarki 50 milljónir króna síðustu þrjú ár
• Rekstrarhagnaður (EBIT > 0) síðustu þrjú ár
• Jákvæð ársniðurstaða síðustu þrjú ár
• Eiginfjárhlutfall a.m.k. 20% síðustu þrjú ár
• Eignir eru að minnsta kosti 100 milljónir króna síðustu þrjú ár
