32 styrkumsóknir bárust í “viltu hafa áhrif”

Frá afhendu styrkja "Viltu hafa áhrif?" 2020.

Fyrr á árinu auglýsti Vestmannaeyjabær eftir ábendingum, tillögum og styrkumsóknum undir heitinu Viltu hafa áhrif 2022? Markmiðið með þessu er að stuðla að auknu íbúalýðræði í Vestmannaeyjum með því að gefa fólki, fyrirtækjum og félagasamtökum tækifæri á að hafa áhrif á bæinn sinn í gegnum fjárhagsáætlun næsta árs. Fjölmargar góðar ábendingar hafa borist í gegnum tíðina. Má þar m.a. nefna styrki til fjölda sýninga, búnað og aðstöðu fyrir starfsemi sem ekki er rekin í hagnaðarskyni, til kaupa á leiktækjum á opnum svæðum og göngustíga.

Bæjarráð hittist á vinnufundi þann 15. nóvember sl. og tók ákvörðun um hvaða verkefni hljóti styrki í ár. Í fjárhagsáætlun ársins 2022 er gert ráð fyrir 11 m.kr. í Viltu hafa áhrif? Alls bárust í ár 32 styrkumsóknir sem og nokkrar ábendingar um hvað betur megi fara í Vestmannaeyjum.

Bæjarráð þakkar bæjarbúum fyrir fjölbreyttar umsóknir og ábendingar. Það er ljóst að bæjarbúar eru hugmyndaríkir um hvernig gera megi góðan bæ enn betri. Lagt verður fyrir bæjarstjórn hverjir hljóta styrk við umræðu um fjárhagsáætlun 2. desember nk. Styrkirnir verða svo formlega afhentir fimmtudaginn 9. desember nk.

Mest lesið