Hið árlega karlakvöld verður haldið þann 1. apríl og verður veislustjóri hinn eini sanni Gummi Ben. Þá mun Maggi í Stuðlabandinu vera með tónlistaratriði og ræðumaður kvöldsins verður enginn annar er bjargvætturinn Martin Eyjólfsson. Einnig verða lið ÍBV fyrir sumarið kynnt með pompi og prakt. Leynigestur mun einnig kíkja á svæðið. Boðið verður upp á geggjaða þriggja rétta máltíð frá Einsa kalda. Uppboðið verður hvílt að þessu sinni en happdrætti verður á sínum stað.
Konukvöld: Konukvöld fótboltans verður endurvakið eftir smá hlé og fer það fram á Háaloftinu á sama tíma. Halli Melló verður veislustjóri, en hann hefur slegið hefur í gegn í Það er komin helgi, og margir þekkja hann einnig sem Magnús Magnús Magnússon úr Skaupinu. Maggi í Stuðlabandinu verður með fjöldasöng og verður áhugaverð kynning, svo ekki sé meira sagt. Leynigestur mun einnig kíkja á svæðið. Einsi kaldi verður með frábæran þriggja rétta seðil og verður boðið upp á geggjaða kokteila. Þá verður happdrætti á sínum stað og liðin fyrir sumarið verða einnig kynnt með pompi og prakt.
Eftir borðhald munu svo allir sameinast í Höllinni á dansleik með Stuðlabandinu, en miði á ballið er innifalinn ef þú mætir á karla- eða konukvöld. Einnig verður hægt að kaupa miða eingöngu á ballið og kostar 3.000 kr. á Tix og 3.500 kr. við hurð.
Mætum klár í efstu deild í sumar og komdu fagnandi 1. apríl! Þetta er ekkert grín!
(Ath. að Stuðlabandið mun ekki vera með ball í Höllinni 2. apríl, heldur var ballinu flýtt til að vera hluti af þessari frábæru dagskrá)
