Á morgun laugardaginn, 23. apríl verður áhugaverð dagskrá í boði í Sagnheimum sem hefst kl 11:00 og lýkur á Sjóminjasafni Þórðar Rafns með viðkomu í anddyri Þekkingarseturs Vestmannaeyja. Um er að ræða málþing á vegum Vitafélagsins – íslenskrar strandmenningar í samstarfi við heimamenn og menningar- og viðskiptaráðuneytið.
Dagskrá:
Kl. 11:00 Setning og fundarstjórn Sigurhanna Friðþórsdóttir, safnstjóri Sagnheima, byggðasafns
11:05 – 11:25 Menningararfleifð og miðlun hennar til komandi kynslóða. Tryggvi Hjaltason, starfsmaður CCP
11:25 – 11:45 Lifandi hefðir – súðbyrðingurinn á heimsminjaskrá UNESCO. Rúnar Leifsson, sérfræðingur hjá menningar- og viðskiptaráðuneytinu
11:45 – 12:15 Boðið upp á súpu, brauð og kaffi. Tónlistaratriði í boði Safnahúss
12:15 – 12:35 Að sigla sinn sjó – Einar Jóhann Lárusson, nemi í bátasmíði
12:35 – 12:55 Auður samstarfs – Sigurbjörg Árnadóttir, formaður Vitafélagsins -íslenskrar strandmenningar
12:55 – 13:00 Lokaorð Íris Róbertsdóttir, bæjarstjóri
13:00 – 13:15 Almennar fyrirspurnir
Að loknu málþingi verður boðið upp á heimsókn í Þekkingarsetur Vestmannaeyja og á Sjóminjasafn Þórðar Rafns þar sem haldin verður stutt kynning á þeim súðbyrðingum sem þar er að finna. Áætlað er að fara á einkabílum og verður séð um að ferja þá sem þess þurfa með.
Kaffi og konfekt á Sjóminjasafninu.
Aðgangur ókeypis og allir velkomnir!