Þrátt fyrir mikil læti er á fullu verið að undirbúa næstu leiktíð hjá handboltadeild ÍBV. Hér eru fjórir leikmenn sem hafa endurnýjað samning sinn við ÍBV á síðustu dögum.

Amelía Dís og handknattleiksdeild ÍBV hafa gert með sér samning sem nær til næstu tveggja tímabila. Amelía Dís er ungur og efnilegur vinstri hornamaður sem hefur leikið undanfarið með 3. flokki félagsins og U-liði ásamt því að vera hluti af meistaraflokkshópi ÍBV. Jafnframt hefur Amelía Dís leikið með yngri landsliðunum.

Vestmannaeyjabær – framkvstjóri umhv.-og frkv.sviðs

Harpa Valey Gylfadóttir og handknattleiksdeild ÍBV hafa gert með sér nýjan samning sem nær til næstu tveggja tímabila.
Harpa hefur verið einn af lykilmönnum ÍBV síðustu ár og hefur með góðri frammistöðu sinni fest sig í sessi í A-landsliði Íslands. Hún var markahæsti leikmaður liðsins í Olís-deild kvenna á nýloknu tímabili og skoraði 107 mörk í 21 leik.

Bríet Ómarsdóttir og handknattleiksdeild ÍBV hafa gert með sér nýjan samning fyrir næsta keppnistímabil.
Bríet er öflugur línumaður sem uppalinn er hjá félaginu og hefur leikið með meistaraflokki ÍBV undanfarin ár, ásamt U-liði félagsins. Hún hefur leikið með yngri landsliðum Íslands í gegnum tíðina og var valin efnilegasti leikmaður ÍBV árið 2020.

Ingibjørg Olsen og handknattleiksdeild ÍBV hafa gert með sér nýjan samning sem nær til næstu tveggja tímabila.
ngibjørg kom til ÍBV frá færeyska liðinu Vestmanna fyrir nýafstaðið tímabil. Hún var lykilmaður í U-liði okkar í vetur ásamt því að vera hluti af meistaraflokksliðinu.