ÍBV á möguleika á að koma sér af fallsvæðinu þegar Eyjamenn mæta Leikni í fjórtándu umferð Bestu deildar karla á Domusnova-vellinum í dag kl. 14.00. Leiknir er með tíu stig eins og FH en ÍBV og ÍA eru með átta stig en ÍBV er sæti ofar á hagstæðara markahlutfalli.
Það er því mikið undir fyrir bæði lið en miðað við síðustu leiki á ÍBV góða möguleika á sigri. Það stóð tæpt gegn Val hér heima en strákarnir sýndu karakter sem skilaði ÍBV þremur stigum. Áður hafði liðið staðið í KA sem er í þriðja sæti deildarinnar og er ÍBV annað liðið sem náð hefur stigum af Breiðabliki sem trónir á toppi deildarinnar.
Það er mikið í húfi en tveir síðustu leikir Eyjamanna gefa von um hagstæð úrslit í Breiðholtinu í dag.
Staðan:
| L | Mörk | Stig | |
| Breiðablik | 13 | 38:14 | 34 |
| Víkingur R. | 13 | 31:18 | 28 |
| KA | 13 | 25:16 | 24 |
| Stjarnan | 13 | 24:17 | 23 |
| Valur | 13 | 22:21 | 20 |
| Keflavík | 13 | 24:23 | 17 |
| KR | 13 | 17:20 | 17 |
| Fram | 13 | 22:30 | 14 |
| FH | 13 | 16:23 | 10 |
| Leiknir R. | 13 | 11:22 | 10 |
| ÍBV | 13 | 15:26 | 8 |
| ÍA | 13 | 13:28 | 8 |
