Herjólfur verður einn aðalstyrktaraðili KFS, sem kemur sér afar vel í baráttunni í 3. deild. Með KFS spila ungir og efnilegir knattspyrnumenn með reyndari leikmönnum í meistaraflokki. Í liði ÍBV í dag sem og undanfarin ár spila fjölmargir leikmenn sem hófu meistaraflokksferil sinn með KFS.
KFS er 25 ára í dag og er því vel við hæfi að félagið semji áfram við sína helstu bakhjarla. Á myndinni má sjá Hjalta Kristjánsson framkvæmdastjóra KFS ásamt Herði Orra framkvæmdastjóra Herjólfs ohf..
,,Samstarfið hefur reynst félaginu afskaplega vel undanfarin ár og er virkilega ánægjulegt að Herjólfur sé tilbúinn að standa svona vel við bakið á okkur, svona samningur hjálpar starfinu mikið sem er svo mikilvægt fyrir þessa ungu stráka“ segir Hjalti Kristjánsson framkvæmdastjóri KFS.
,,Það er ángæjulegt að sjá alla þessa ungu stráka blómstra svona vel í KFS þar sem strákunum gefst flott tækifæri í íþróttinni, ég hef sjálfur fylgst vel með og það er gaman að fylgjast með þessu mikilvæga starfi fyrir samfélagið okkar“ segir Hörður Orri framkvæmdastjóri Herjólfs ohf.
