Afgreiðslufundur byggingarfulltrúa fór fram í vikunni sem leið þar lá fyrir umsókn um byggingarleyfi við Bárustíg 15. Guðjón Pétur Lýðsson fh. Lundapysja ehf. sækir um leyfi fyrir að breyta notkun á 2. og 3. hæð Bárustíg 15 úr skrifstofurými í farfuglaheimili (hostel). Fram kemur í niðustöðu ráðsins að umsóknin er samþykkt og að byggingarfulltrúi muni gefa út byggingarleyfi.
Húsið var reist við Bárustíg 15 árið 1962 og hýsti það til að byrja með verslun Sigurbjargar Ólafsdóttur og verslunina Mózart. Þekktast er húsið fyrir að hafa hýst Sparisjóð Vestmannaeyja allt frá árinu 1962. Fjöldi frirtækja hefur haldið úti starfsemi á efri hæðum húsins en síðustu ár hafa bæjarskrifstofur Vestmannaeyja haft aðsetur í húsinu. Í dag er Landsbankinn með aðsetur á jarðhæð húsins.
