Samráðshópur Hafrannsóknastofnunar og útgerða uppsjávarskipa hittist á fundi í vikulokin þar sem m.a. verður rætt um framhald loðnumælinga í janúar, greinir mbl.is frá.
Heimaey VE lauk sínum leiðangri á sunnudag, en ekki varð vart við loðnu fyrir norðaustan land, en í vikulöngum túr í samvinnu Hafrannsóknastofnunar og útgerða uppsjávarskipa var áhersla lögð á að kanna svæðið austan við Kolbeinseyjarhrygg. Að því loknu var var farið vestur með landgrunnskantinum, en síðan í haust hafa fregnir borist af loðnu á Vestfjarðamiðum. Í umfjöllun um leiðangurinn í Morgunblaðinu í dag segir Þorsteinn Sigurðsson, sviðsstjóri uppsjávarsviðs hjá Hafrannsóknastofnun, að það sé hefðbundið að loðna sé á því svæði á þessum árstíma. Þarna hafi verið eldri og yngri loðna í bland og verið sé að vinna úr gögnum.
